1‏/6‏/2008

عندما يأتي المساء !!!


عندما ياتي المساء تراودني افكاري ويعلو بي خيالي الى سماء بعيده لا أصل لها سوى باحلامي
كان يسود الصمت بالمكان كما لو كان لم يوجد بشر في هذا الزمان
كنت ادرك وقتها ان أفكاري تقترب منك اكثر فاكثر
وقتها ادركت ان المساء هو افضل ساعات اليوم لكي تشغله انت فقط
سواء كنت بتفكيري او خيالي او حتى احلامي
كنت انتظر الساعات تمر حتى ياتي المساء
انظر الى النجوم اتخيلك تتوسطهم كالقمر في ليله كماله
عندما كنت انظر للقمر لا ادري هل هذا هو القمر ام انه انت
لك وحدك تلمع النجوم .. لك وحدك يبرق القمر .. لك وحدك تشرق الشمس
هل ستبقى افكاري تلك بيني وبين المساء
ام سياتي يوما تخترق فيه واقعي وتصبح فارس لخيالي ولواقعي
عندما ياتي المساء لن انساك
وعندما تشرق الشمس لن افكر في شخص سواك
لكن ربما يشاركك اشخاص بتفكيري بالنهار .. لكن المساء لك وحدك
وياليت كل عمري يصبح مساء حتى تبقى دائما امامي

4‏/2‏/2008

لن اتخلى عنك بعد اليوم

عندما خرجت لاتنفس الهواء الطليق وجدت صوره امامي لشخص ما ..
ربما اعرفه وربما يشبه شخصا كنت اتمنى رؤياه..
لا .. بل هو الشخص ذاته .. نعم انه هو !!!
كيف يكون هنا امامي ..لماذا لم يقل لي انه آتي الى هنا
ركضت حتى احاول اللحاق به .. ظليت اركض كثيرا لكن كلما اركض اكثر اجده يبتعد عني اكثر
لماذا يبتعد .. لماذا يريد ان يبتعد عني هل لا يود رؤيتي ام انه لم يعد يحبني مثل قبل
لم اعهد عليه كل ذلك .. لم اعهد منه البعاد
قاومت كل تفكيري محاوله اللحاق به بأي صوره من الصور
ظل يقودني الى مكان بعيد عن المكان الذي كنت به لكن ...
يا لوحشه هذا المكان مظلم وبعيد .. ليس به بشر .. لم اعد ارى شيئا لما كل هذا ..
لما اتيت بي الى هنا لماذا تقف بظهرك هكذا .. لماذا لا تريد ان تريني وجهك
تحدث ارجوك .. تحدث .. لا تظل صامتا هكذا
هل اصبحت لغتك هي الصمت .. ام لم تمتلك القدره على مواجهتي
فجاه وجدته ينظر الي .. يا للصدمه انه ليس هو انه الان لم يعد مثل امس ..
اليوم اصبح قبيح الوجه ..يائس .. محطم مستحيل يكون هذا الشبح انت ..
انك اجمل ما رايت فلماذا اصبحت هكذا
فجاه وجدته يرد على حديثي قائلا انه لم يكن كذلك لكن انا ما فعلت به هكذا
دهشتني اجابته .. كيف اكون انا من فعل به كل هذا اكمل حديثه مؤكدا على اجابته نعم انت
سالته كيف اكون انا .. انني اح...
قاطعني وقال لي انك انتي سبب ما انا فيه انك تركتيني وبعدتي ..
بعدتي في اكثر ايامي شده هجرتيني عندما كنت اكثر الاشخاص احتياجا اليكي .. لم اجدك بجانبي
قاطعته قائله كيف اكون فعلت ذلك لقد كنت بجانبك امس وكل يوم فكيف بعدت عنك
اردف كلامه قائلا : هل عرفتيني حقا؟
انني اعرفك جيدا فكيف تسالني هذا السؤال لكنني مستغربه من كلامك هذا لم اعهد كلامك هذا من قبل فلماذا تغيرت الى هذا الحد
لقد قلت لكي انك لم تعرفيني .. هل تودي تعرفي من انا؟؟
حسنا .. لم يعطني فرصه للاجابه على تساؤله ثم اردف قائلا انني ليس شخص بعينه .. لكنني مزيج من الاشخاص.. اشخاص هجرتيهم وبعدتي عنهم.. اشخاص اعتقدتي انهم لا يحبونك وبالتالي لم تقومي بزيارتهم
انني امثل كل شخص تركتيه وكل شخص فكرتي ان تهجريه وكل شخص تفكري ان تبعدي عنه
اندهشت من كل كلامه هذا وفكرت بكلماته
بالفعل كانت كلماته قليله لكنها اجابت على تساؤلات كثيره بداخلي
نعم انني بالضروري لن اتخلى عن اي شخص بحاجه الي .. لن بعد او اهجر اي شخص بحاجه الي بعد اليوم

4‏/1‏/2008

انين الصمت

اولا بعتذر عن غيابي الفتره اللي فاتت بس لان عندي حاجات كتير مش مخلياني اعرف اكتب شيئ او اي حاجه
وكمان الامتحانات ويمكن الفتره الجايه اغيب تاني
معلش بقى اتحملوني شويه
يمكن يكون البوست ده حزين لان بصراحه مفيش حاجه بحياتي الايام دي مفرحه عشان اكتب عنها .. الحمد لله على كل حال طبعا
انين الصمت


سمعت رنين صمتي وملأ صدى صوتي المكان

ظللت انادي لكن لم يسمع احد كلماتي

بكيت في بقاع الظلام ولم يبق لي سوى اهات الزمان

بحثت حولي لعلي اجد من يسمع اهاتي

كان يعود لي صوتي مجيبا لايوجد سواكي في الظلام

شرد ذهني محاوله ان اجد ما ينسيني كآبه المكان

وفجأه شعرت بالسقيع وبدات اطراف جسمي تشعر بالجمدان

ازداد صوت بكائي وتعالى لكن دون محال

بدات اشعر بالنعاس حتى غفلت عيني عن رؤيه وحشه المكان

وبدات اغوص في الاحلام وارى اشياء لم ارى مثلها سوى في قصص الخيال

زهور واشجار واناس منذ الاساطير على مر الزمان

وتيقظت فجاه ووجدت نفسي على ارض الواقع ولم يعد للخيال مجال

تمنيت وقتها ان اظل حبيسه للاحلام

حتى لا اسمع صدى صوتي يرن في الظلام

ولا اجد الصمت يملئ حياتي في كل لحظه من لحظات الزمان

1‏/12‏/2007

غربه روح

عندما تغيب الروح عن صاحبها
تجد وقتها ان هذا الشخص مصاب بشيئ ما .. لا يدري ماذا يحدث له
يجد نفسه غريبا .. غريبا عن داره وعن اهله وعن اصحابه ... ربما يجد غربته تلك غربه عن نفسه ايضا
كيف تكون الروح غريبه عن الانسان .. ربما حصل خلل ما في الانسان جعل روحه غريبه عنه
لا يفهم نفسه جيدا ويجد كل الاحوال حوله غريبه
يقع في الكثير من المشاكل والكثير من الاعباء
هل لان روحه غريبه ام لسوء تقدير منه
هكذا نجد كل من وقع في شعور جديد بحياته يجد نفسه غريبا .. لا يفكر جيدا في اموره
بل يفكر جيدا في امر واحد يشغله وهو نفس الامر الذي وقع شعوره فيه
فيصبح اسيرا لهذا الشعور اما رغبه منه او رغما عنه
فاذا كان هذا الشعور مفرحا او به نوعا من السعاده فيفكر فيه الانسان جيدا ويحلق بخياله بعيدا عن عالم الواقع
يشعر بنوع من السعاده التي تتملكه .. لا يستطيع ان يفر منها .. ليس لانها تتملكه فقط بل لانه اراد ان يصبح اسيرا لها
لكن اذا كان هذا الشعور حزينا او كئيبا فان الانسان يحاول ان يفر ويهرب من هذا التفكير فيفكر في شيئ اخرا لكن بالطبع دون جدوى لان بنهايه المطاف يصل به تفكيره الى نقطه البدايه
تقلبات الحياه كثيره تجعل الانسان تاره اسيرا وتاره طليقا
تاره سعيدا وتاره حزينا
فغربه الروح تجعل الحياه كئيبه ليس لها طعما
فمن تغربت روحه عنه فانه لا يستحقها لانه لم يستطع ان يفهم نفسه جيدا
فغربه الروح اشد انواع العذاب بعد عذاب القلب
فمن يجد روحه غريبه عنه يحاول ان يقربها منه ويفهم نفسه جيدا ويتفكر في كل امر يتخذه
حتى لا يشعر بكابه زمن او بواقع اليم

11‏/11‏/2007

دعوه للتمتع بفتره الشباب !!! غريبه مش كده

يمكن اتاخرت شويه في وضع اي بوست ويمكن ميكونش البوست ده مهم اوي
بس نظرا لحاله الاكتئاب والخنقه اللي كنت فيها كان لازم اعمل البوست ده
المهم فكرت اني اذاكر ولاول مره من اول الدراسه ما بدات
ومجيش اذاكر غير النص ده
نص ايطالي بعنوان النصر متخافوش هو ولا سياسه ولا حرب ولا اي حاجه من دي
الكاتب في النص ده بيدعو ان كل انسان يستمتع بشبابه لان فتره الشباب دي زائله ومحدش ضامن المستقبل ان حيكون مفرح او فيه اي حاجه ممكن تتحقق
اظن من الجزء المبسط ده من النص ... في حد ذاته يجيب كابه اكتر
طب انا لو استمتعت بشبابي دلوقتي ... هو فين اساسا السعاده علشان استمتع بيها
ولا وبيقول كمان ان فتره الشباب دي اسعد واجمل فتره في الحياه الانسانيه
هو تقريبا كان عايش في زمن غير زمنا ده
ما علينا مع نفسه بقى يستمتع او يزعل براحته
بيدعو كمان الانسان انه يحب ويتمتع بحياته
اظاهر انه ميعرفش ان معظم مشاكل الناس ليها علاقه بالحب او علاقات القلب بصفه عامه
يعني حب او كره او خداع او ..... الخ من الصفات دي كلها
يمكن المشاكل دي هي اللي بتخلي للحياه معنى لاننا بنحس ان فيه حاجه في حياتنا
مشكله قابلتنا وبنحاول نفكر ونلاقيلها حل
ويمكن تتحل او متتحلش ده العادي طبعا
المهم انا حاولت اشوف المغزى من النص ده ملقيتش حاجه فيه غير ان كله تشاؤم
وانا مكنتش ناقصاه وقتها
كان كيكو كاتب بوست في مدونته هل الحياه حلوه ولا لا
وكانت كاميليا ردت قائله ياريت تدلني على خريطه الحياه الحلوه دي
انا كمان دلوقتي اقدر اقولك : ياريت لو حد لقى الخريطه دي يبعتهالي يمكن الحياه تكون حلوه بعدها
معلش طولت عليكم بس دي شويه فضفضه مش اكتر
واستنوني ان شاء الله في بوست مفرح المره الجايه

2‏/11‏/2007

اقدار الحياه

الاقدار مغلفه لا نعرف ما بداخلها
لا نعلم ماذا تخبئ لنا وما الذي سنحصل عليه منها
ربما نقابل اشخاصا لا نستطيع فراقهم
وربما نقابل اشخاصا نتمنى نسيانهم
وربما نتمنى ان نلتقي باشخاصا يجمعنا القدر بينهم
انها تلك رحله الاقدار
ربما يكون قدري ان افارق كل من احببت
وربما قدري ان يجمعني بهم حتى الممات
قديما كنت اقول سافقد الامل
حديثا قلت ساحاول ان احيا لحظه الامل
ربما مستقبلا اقول لقد فقدت حياه الامل
لا اعلم ماهو قدري
لكن علمت قدري في الماضي
قليل من الحظ .. كثير من حياه متعثره
يمكن يكون القدر حليفا لي
وربما يظل الحال كما هو عليه


إن حظي كدقيق فوق شوك نثروه .
ثم قالوا لحفاة يوم ريح إجمعوه ..
فلما صعب الأمر عليهم تركوه ..
وقالوا من أشقاه ربي كيف أنتم تسعدوه ..


انها تلك الحياه .. مجموعه اقدار وامنيات
اما ان تتحق الاماني
واما ان تذهب هباءا دون عوده لها

24‏/10‏/2007

تاج ولاول مره بس تاج دسم جدا

طبعا اول مره يجيلي تاج لان لسه جديده بعالم المدونات
بس تاج دسم جدا جدا جدا
شكلي كده حقعد اكتب فيه يومين
مدونه الروح bos bos التاج جالي من

لو قالولك اختارعصر من عصور مصر عشان تعيش فيه تختارى عصر وفى عهد اى حاكم واشمعنى؟

حختار عصر الرسول عليه الصلاه والسلام لانه فعلا افضل العصور
يمكن ساعتها كان حيكون ساعتها حسابنا اكبر لاننا كنا معاشرين الرسول عليه الصلاه والسلام فكان لازم نعمل بكل شيئ يقول عليه بس اكيد هو افضل العصور

اول اولوية فى حياتك عيلتك ولا شغلك ولا اصحابك؟

كل حاجه منهم ليها اولويه خاصه يعني العيله مهمه في حياتي ومقدرش اني مديهاش اولويه كمان الشغل انا لسه مشتغلتش بس لو مديتش شغلي اهميه يبقى مش بحبه يبقى ملوش لزمه بحياتي اصحابي بقى لو مهتمتش بيهم اكيد مستاهلش اني اكون صديقه ليهم ..... صعبه اني احدد حاجه منهم اني اديها اولويه لان كل حاجه مختصه بذاتها

ايه اكتر حاجة بتحبها فى رمضان

بحب كل حاجه في رمضان لمه الناس مع بعضها .. المسحراتي .. مدفع الفطار
كمان تدين الناس بس يارب كل واحد يفضل على طريقه اللي سلكه في رمضان
بجد رمضان كله على بعضه حاجه جميله جدا ياريت كل السنه تكون رمضان

اوصف ليا اجمل فطار ممكن تفطره؟
هو اكيد الفطار حيكون حلو لما يكون فيه ناس كتير
اينعم العزايم والحاجات دي بتكون صعبه شويه لان بعدها بنحس اننا تعبنا جدا من كتر الشيل والحط ونعمل ونغسل والحاجات دي بقى بس بجد بيكون يوم حلو اوي
انا كان نفسي فعلا اروح يوم افطر في الحسين ... سمعت من ناس كتير ان جو رمضان هناك بيكون حلو اوي .. كان نفسي اجرب رمضان هناك بس يلا متعوضه ان شاء

لو انت حاكم على مجموعة من الافراد حتكون عادل؟ طب حتعمل ايه عشان تتأكد انك حاكم عادل؟
اكيد ححاول بقدر المستطاع اني اكون عادله بينهم
علشان اتاكد اني عادله بينهم اكيد ححكم عقلي واسمع كل الاطراف واكون مع الحق
واكيد حستشيرهم معايا باموري مش معنى اني حاكم عليهم يبقى راي بس هو اللي يمشي لا طبعا لازم يكون فيه مشورى دايما بينا علشان نكون كلنا عادلين

اللى بيبوظ الحكام ..نفسهم ولا الشعب ولا الحاشية المقربة؟؟
هو سؤال صعب شويه بس هو ممكن كل حاجه
يعني الحكام هو من الاول لو تنشاتهم مش مظبوطه يبقى حيكون هما سبب البوظان
ممكن كمان لما يكون الشعب مش بايده حاجه يعملها او يكون مستسلم بيزيد البوظان
والحاشيه حتلاقي الحاكم بايظ يبقى اكيد حيساعدوه ياما حيطردوا

مين اكتر اعلامى مصرى بتحترمه؟؟
انا بحترم جدا عمرو اديب بتعجبني اراءه ومواجهته للامور
يعني بلاقيه انه بيقول اللي هو عايزه باسلوب كويس جدا بحيث ان محدش حيقدر يغلطه او يقوله انت غلطت في كذا
بجد بيعجبني اسلوبه في النقاش جدا

قريت ديوان عمر مصطفى صاحب بلوج تجربة" اسباب وجيهة للفرح" عن دار ملامح ولا لسه؟؟
صراحه مقراتهوش ولا سمعت عنه بس لو حد يجيب اللينك نقدر نقراه

لو ممكن تشتغل شغلانة تانية غير اللى انت بتشتغلهااو كنت بتشتغلها كنت تتمنى تبقى ايه؟؟
هو انا لسه بدرس مشتغلتش بس مفروض اني اتخرج اشتغل في الترجمه او السياحه
بس كان نفسي ادخل كليه اعلام واشتغل في الصحافه بعد كده بحس بجد انها شغل كويس اوي اينعم متعب حبتين بس حلو

ايه تانى بلد تتمنى تعيش فيها بعد مصر؟؟
بجد اكتر بلد كنت اتمنى اني اعيش فيها هي سوريا
بحب البلد دي جدا ونفسي ازورها ويارب اعيش فيها قريب :D

اوصف ليا ترتيبات اجمل فرح ممكن تحضره؟؟


طبعا اجمل فرح ممكن احضره حيكون فرح حد بحبه اوي ومن سني كمان

يعني من 3 شهور كانت خطوبه بنت خالتي هي اكبر مني بسنه واحده وكانت كمان الخطوبه حلوه جدا ..بعتبر ده من اجمل الافراح اللي حضرتها واكيد ان شاء الله ححضر افراح كتير لناس بحبهم


بتراعى كلام الناس والقيل والقال؟ لو اه او لو لا قولى ليه؟
هو اللي بيسمع كلام الناس دايما بيتعب لان محدش بيرحم حد
ودايما الناس بتتكلم على كل حاجه واللي ليها فيه واللي مالهاش فيه
مادام انا مقتنعه بان اللي بعمله صح يبقى مراعيش غير ربنا لان هو اللي حيحاسبني على اعمالي


صحيت من النوم مالقيتش الموبايل ولا الكمبيوتر ولا الكاميرا الديجيتال ولقيتنا رجعنا لعصر الحمام الزاجل والحصنة حتبقى سعيد؟
لا مش حكون سعيده مش فجاه كده الحياه تتغير بيا من غير اي مقدمات
فيه حاجات كتير بقت ضروريه بحياتنا ومينفعش اننا نرجع لعصر الحمام الزاجل


السعادة هى؟؟
السعاده مش ان كل حاجه تبقى عندي بس اعتقد ان السعاده اني اكون عايشه مع ناس بحبهم ووقت اما اكون عايزه احقق حاجه تتحققلي
فيه ناس كتير بتعتقد ان السعاده في الفلوس او تملك الاشياء
بالعكس فيه ناس كتير معاها فلوس كتيره جدا بس مش سعيده
يعني السعاده اني اكون مبسوطه بكل حاجه اعملها


عندك امل ؟ اسبابك ؟

الحمد لله عندي امل بس صراحه مش بنسبه كبيره لان فيه حاجات كتير بتمناها ومش بتحصل بس اكيد لازم يكون فيه امل ولو حتى بنسبه بسيطه علشان اقدر اقول اني عايشه

لما تحب تهرب من كل شىء بتروح فين؟؟
بروح للنوم وافضل ابكي كتير جدا لغايه اما بنام من كتر التعب
واوقات كتير لما بصحى بلاقي نفسي مستريحه وخلاص وبنسى اي مشكله حصلت لغايه اما تحصل حاجه تاني وتفكرني بيها
كنت بتمنى اني اكون في مدينه فيها بحر كنت ساعه اما اكون متضايقه اروح لواحدي على البحر واقعد اتكلم مع نفسي اكيد كنت حابقى مرتاحه اوي


امتى اول مرة اخدت فيها نفس طويل كده وقلت بينك وبين نفسك ياااااه انا فعلا كبرت؟؟
لا لسه محصلتليش يعني عمري مفكرت في مره اقول ياه ده انا كبرت
بس يمكن اقولها قريب


لما بتعمل عمل خيرى بيكون ايه هو دافعك الاول؟؟
اكيد ان ارضي ربنا واحاول ابسط حد محتاج كلمه كويسه على الاقل


بتشرب سجاير؟لو الاجابة اه ايه شعورك لو شفت ست بتشرب سجاير وليه؟
اكيد لا طبعا انا مش بطيق ريحتها اصلا


بتعرف ايدك اليمين من الشمال ازاى؟
انا من وانا صغيره بابا وماما علموني ان ايدي اليمين اللي باكل بيها واكتب بيها واشرب بيها يعني كل حاجه بيها
وايدي الشمال اللي بلبس فيها الساعه :D

ايه اكتر اله موسيقية بتحبها؟
بحب الجيتار اوي ونفسي اتعلم العزف عليه جدا

فى رأيك ليه الذوق والنخوة اتعدموا؟

يمكن بيرجع للتربيه انها خلاص اصبحت سيئه جدا بالنسبه لناس كتير معدوش بيهتموا بالتربيه اوي زي زمان

ويمكن كمان لان الشباب نفسهم بقوا فاضيين فمش عارفين يقضوا وقتهم ازاي فمعتش التربيه فارقه معاهم


ايه الحاجة اللى لو حصلتلك تبقى سعيد قوى؟

اكيد لو كل حاجه بتمناها اتحققت لي حكون سعيده جدا كمان


تختار يبقى عندك ارض زراعية ولا اجنص عربيات ولا كام عمارة ولا فلوس فى البنك؟

محبش يبقى عندي اي حاجه من دي اهم حاجه ان ربنا يكون راضي عندي ويحققلي كل اللي بتمناه

البحر ولا النيل؟؟؟

انا بحب الاتنين بس بحب البحر اكتر وخاصه وقت الغروب والشمس وهي نازله في البحر بجد احساسها حلو اوي

مركب ولا طيارة؟

انا بحب المركب كمان اوي بس نفسي اركب طياره واجرب احساس الطيران ده فحختار الطياره علشان اسافر الى احب بلد الى قلبي :D

عاقل ولا مجنون؟

الاتنين حلوين اوقات احب اكون عاقله واوقات نفسي اكون مجنونه

تقرا كتاب ولا تتفرج على فيلم؟

على حسب نوع الكتابه يعني لو من الانواع اللي بحبها يبقى اكيد كتاب

بتمرر التاج لمين؟؟

ممممممممم بجد صعب لان يمكن معرفش مدونين كتير واغلبهم راحل ليهم التاج

حمرره الى

نسيم الجنه

smasem

My Dreams

مواطن زهقان

مهبول ومهبوله

لو اي حد عايز التاج يتفضله مش حبخل على حد ;

بس مش معقول خلصت اخيرا 3 ايام بكتب فيه

15‏/10‏/2007

الفراق راحه ام الم ؟؟؟

اتاخرت في وضع اي بوست الايام اللي فاتت دي
بس انتوا عارفين رمضان بقى
وكمان مقولتلكوش كل سنه وانتم طيبين
معلش بقى جت متاخره شويه






الفراق .. يمكن تكون كلمه يصعب على الاذان سماعها
لكن اوقات بيكون الفراق راحه نفسيه
هنا بيكمن سؤال النفس الحائره هل الفراق راحه ام الم؟
ربما يكون الفراق راحه اذا كان هناك مشاكل عصيبه لا يمكن حلها فهنا لابد من الفراق حتى يرتاح كلا من الطرفين
لكنه باغلب الاوقات بيكون الم
الم البعاد والم للنفس حين لا تجد امامها من كان يواسي وحدتها
لن اجد ما اقوله عن الفراق
ربما لانني لا احب ان اعيشه بأي لحظه من لحظات حياتي
اعتقد انه ممكن يكون اكبر صدمه يعيشها الانسان بحياته
سواء كان فراق الاهل او فراق من تحب
ان الفراق بحد ذاته كلمه اليمه .. كلمه تجعل الانسان ان يفقد صوابه
واوقات يمكن ان يشعر بحاله من الانهيار او الياس
لكن اكيد بعد ان تمر الايام ويبدأ العقل بنسيان ما مضى
تبدا عمليه الاستقرار النفسي نوعا ما
لكن نصيحه الى كل من شعر بالم الفراق يحاول الا يقع تحت تاثير الصدمه
انني اعلم جيدا انها نصيحه صعبه لكن ربما هي الحل الامثل للتخلص من الام الفراق
وبالاخر اكيد اتمنى للجميع الا يقع تحت تأثير هذا الالم

16‏/9‏/2007

انا والمستحيل




فكرت كتير قبل ان اكتب اي كلمه .. قبل ان ينطق صدى صمتي .. قبل ان يرحل عنا كل ما يحلو

اليس لدينا الحق في ان نعبر عما بداخلنا .. دون ان نتقيد بقيود الواقع الاليم


انه اقل ما يمكن ان نمتلكه وهو حريه الراي


انني يمكن ان اعبر واتحدث

يمكن ايضا ان اتحدى بعزيمتي اي قيود تسيطر على شخصيه انسان

انها ربما تكون قيود او ربما ايضا يطلق عليها البعض مستحيلات


انني ارى الان ان لساني ينطلق معبرا .. ليس يوجد مستحيل

اننا انسان ويجب ان الانسان لايعرف المستحيل

قررت بداخلي ان اتغلب على كل هذا .. ان اخرج الى دائره نطاق الحوار .. ان اصمد واكافح واعبر

لا اخشى احد مادمت لا اعمل سوى الصحيح .. لا اخشى البشر


ربما عندما تأتي ريح حزن او مأزق نشعر بان الدنيا كلها مغلقه

نشعر باننا لانريد احد او بمعنى ادق لا يريدنا احد


ربما نغرق في بحور تفكير عميق ونصعد منه دون اي جدوى

لكن لكي تتحدى الصعاب والا يكون عندك مستحيل

حاول ان تتغلب على كل احزانك

حاول ان تبني طموحات حتى لو كنت تعتقد انها مجرد

ربما ان الخيال هذا يتحقق ويصل بك الى اعلى ما كنت

ربما انها تكون دعوه للتخيل .. ربما ايضا انها تكون دعوه لتحدي الصعاب ... ربما ايضا دعوه لمحو كلمه مستحيل من قاموس البشريه